Ömurlegar auglýsingar

Glæsilegur nýji kaskæinn.

Djöh fer í taugarnar á mér þegar dynja á manni dag eftir dag einhver bull nöfn í auglýsingum þar sem ætlast er til þess að maður fyllist spennu yfir því hvað er á ferðinni. Ég lýsi því hér með yfir að ég ætla aldrei að fá mér Nissan Kaskæ, hvílíkt bull. Þú líka Gorgeir eða Lygteinstæn og hananú. Hvurn andskotann eigum við landsbyggðaraumingjarnir líka að gera við borgarjeppa? Þar fyrir utan, hvað er borgarjeppi?

Góður blaðamaður

Skelfilegt allt saman

Hverning ætli blaðamaðurinn hafi þefað þessa frétt upp?

1. Hann heyrði grát þegar hann gekk framhjá húsi fjármálastjóra Baugs.

2. Hann gistir í flatsæng á svefnherbergisgólfi fjármálastjórans.

3. Konugreyið hringdi í Ísafold og sagði allt af létta. Fyndið.

4. Og hver skyldi eiga blaðið? Ennþá meira ha, ha.

Sameignarákvæðið dregur dilk á eftir sér

 

Klukkulandserfinginn ekki hress flytur með allt sitt hafurtask.

Nýtt sameignarákvæði stjórnarskrárinnar dregur heldur betur dilk á eftir sér, þar sem ákvæði um sameign íslensku þjóðarinnar á Klukkulandi í Dýrafirði virðist hafa verið smyglað inn á síðustu stundu. Var ábúendum gert að rýma svæðið fyrir klukkan átta í kvöld og var erfinginn í óða önn að hafa sig burt þegar Gorgeir eða Lýgteinstæn mætti á svæðið.

Tímarnir breytast

Frá Landsfundi Vinstri Grænna.

Mér fannst merkilegt þegar ég sá fyrst svertingja.

Mér fannst merkilegt þegar ég sá fyrst hommsa.

Mér fannst merkilegt þegar ég sá fyrst kjósanda Vinstri grænna, potaði meira að segja í hann til að gá hvort hann væri ekta.

Nú er litað fólk út um allt á Íslandi, ekki þverfótað fyrir hommsum og Vinstri grænir næst stærsti stjórnmálaflokkurinn. Stórmerkilegt!!!

Fegurðarsamkeppnin "Óbeisluð fegurð" hefur ýmis aukaáhrif.

Fjórar hressar á leið vestur.

Grannt fylgst með þungaflutningum

Eftirlit með þungaflutningum á Vestfjörðum verður undir sérstöku eftirliti lögreglu næstu mánuði. Það er liður í tilraunaverkefni í samvinnu við ríkislögreglustjóra sem nefnist „verkefnamiðuð löggæsla". Ástæðan er víst sú að fyrir dyrum stendur fegurðarsamkeppnin "Óbeisluð fegurð" og mun verða mikið um fólk í ýmsum stærðum á leiðinni vestur. 

Fairtrade í Bónus og "niður-greiðslur" Í Bændahöllinni!!!

Baugsmálið tekur á sig nýjar hliðar dag frá degi.  Nú hefur æskulýðsfélag vestur á fjörðum slegist í hóp vitna.  Þessi tilvitnun er tekin, orðrétt, úr frétt á vefmiðlinum www.bb.is  í dag.

Sanngjörn viðskipti kynnt í Bónus

Ungar stúlkur úr æskulýðsfélagi Ísafjarðarkirkju munu kynna hugtakið „Fairtrade“ í verslun Bónuss kl. 5 í dag, en það er markaðsaðferð til að styðja fátækt fólk til að bera sanngjarnt endurgjald úr býtum fyrir vinnu sína. Sanngjörn viðskipti hjálpa bændum og framleiðindum í þróunarlöndum að fá aðgang að alþjóðlegum mörkuðum og einnig að auka afkastagetu til þess að standast samkeppni. Með því að fá sanngjarnt verð fyrir vörur sínar getur fólk betrumbætt fyrirtæki sín og framleiðslu. Afleiðingin af þessu eru betri lífskjör og sjálfbærarari framleiðsluaðferðir.

Já, það var orðið tímabært að kynna Fairtrade í Bónus.  Maður veltir samt fyrir sér hvort þessi kynning hefði ekki þurft að fara fram fyrr, t.d. þegar viðskiptin með "ðí Væking" áttu sér stað eða Arkeidíu eða hvað þetta dót heitir nú allt saman.  Í fréttinni er talað um "framleiðindi" og þar væntanlega verið að vitna í sögu Bonus store, eða er þetta kannski stytting á því að "fram fari leiðindi" sem sagt framleiðindi eins og í Baugsmálinu.  Fréttamenn gætu stytt fréttatíma með því að nota aðeins eitt orð í stað þriggja þegar vitnaleiðslum er lýst.

Fairtrade er greinilega lykillinn að íslensku útrásinni enda hjálpa sanngjörn viðskipti (takið eftir, sanngjörn) bændum og framleiðindum (já framleiðindum) í þróunarlöndunum að fá aðgang að alþjóðlegum mörkuðum.  Sérstaklega er bent á að þetta hjálpi bændum.  Hver var svo að segja að Baugsmálið væri runnið undan handarkrika bláu handarinnar.  Nei oh. svei. þetta er þá sem sagt allt komið úr Bændahöllinni, hvar menn geta ei lengur skoðað bláar myndir enda stjórnarsamstarfið í hættu.  Er kannski samhengi á milli útilokana bláu myndanna og stjórnarskrárvinnunnar ??  Er það kannski þess vegna sem menn hafa litað fálkann grænan ?  Já kannski eru Framsóknarmenn ekki fyrir blátt eftir allt saman.  Svo eru menn ekki sammála um hvað eru auðlindir eða ekki.  Kannski hefði þurft að kynna Fairtrade í Bændahöllinni áður en siðprúðir sögðu nei ??  Hefði klámráðstefnan ekki getað gefið af sér "sjálfbærari framleiðsluaðferðir" ??  Hvað eru bændur að hugsa ?  Manni dettur í hug ný merking á orðið "niður-greiðslur" til bænda, obb,obb obbb !!!!!!

Áreiðanlegar heimildir Gorgeir og Lýgteinstæn Teknólógí Grúpp herma að sést hafi til fyrrum aðstoðarmanns fyrrum forsætisráðherra fara inn í fyrrum verslunarmiðstöðina Ljónið á Ísafirði (nú Bónus) með saumaðann innkaupapoka merktan með slagorðinu "I had a bag of fun in London". Hvað var hann að gera þar ?????????

G&L Tl.grúpp bíða spenntir eftir því næstu skrefum hjá æskulýðsfélaginu.

 Þangað til næst.

annar hvor eða báðir ????

Mengunarvarnir í Funa

Þrjú stór snjóflóð féllu á Kirkjubólshlíð í Skutulsfirði Hef það eftir áreiðanlegum heimildum að þarna sé á ferðinni en ein tilraun hjá tæknideild Ísafjarðarbæjar til að losna endanlega við eiturreykinn úr Funa. Beðið verður með frekari tilraunir þar til vænlegt snjóflóðaveður verður aftur. Lýgteinstein eða hvað

 

Aumingja Hannes

FL Group vill aukin áhrif í Royal Unibrew, en fær ekki.

FL Group fær ekki stjórnarmann í Finnair 

Mér finnst nú bara Byrgis og Breiðavíkurmálin blikna í samanburði við það einelti og ofsóknir sem Hannes blessaður Smárason verður fyrir.

 

Lýgteinstæn

 

eða Gorgeir

 

En annars: Æ kúddnt ker less! Ég hef reyndar aldrei komist í stjórn Royal Unibréf eða Finnair sjálfur. Prófið næst þegar einhver spyr ykkur hvort eitthvað sé að frétta að segja "Að frétta, já það er aldeilis, hann Hannes kemst bara ekki í stjórn Finnair". Mætti segja mér að andlitið dytti af fólki.

Salan á 3x

 

Mér líkar svo ljómandi salan

Ei lækkar á reikningi talan

Með Atork´í blús

Ég sel þeim mitt hús

Og losna við skuldahalann

 

Með þekkingu okkar þeir fara

Og ástæðan “af því bara”

Nú allt er í rúst

Það þarf bara kúst

Til að sópa burt Vesturhjara

 

Gorgeir

 

eða Lýgtenstæn

 

Gorgeir og Lygtenstæn mættir.

Jæja, það hlaut að koma að því. Röddin sem verður að heyrast. Með áhrif og ítök útum allt samfélagið hvort sem er í pólitík, viðskiptum eða löggæslu. Segir svo hugur að úrslit kosninga í vor muni ráðast af opinberri afstöðu okkar. En við munum fara okkur hægt til að byrja með, enda bara mánudagsmorgunn. Sýnist Össuri og Magnúsi Þór alþingismönnum takst best til og veki mesta eftirtekt þegar þeir rita bloggin sín kl.01:30 aðfaranótt sunnudags. Jæja, þetta var bara prufa. Ég hlífi þeim sem síst skyldi að sinni.

Er ég Lygtenstæn eða öfugt?

Þegar stórt er spurt!